بولیاں             

                                                                        قسط  نمبر  2   

بولیاں قسط نمر 1   آپ نے پڑھ لی، قسط نمبر 2 حاضر خدمت ہے.  اللہ تعالے کی وحدانیت پر ہم سب کو یقین ہے ، بلکہ اللہ تعالے کو وحدہُ لا شریک ماننا ایمان کی پہلی شرط ہے. جس کا زبان
سے ادا ہونا ضروری ہے. پنجابی بولیان نمبر 2 میں ایک دہقاں اپنے اس عقیدے کا جس طرح اظہار کر رہا ہے اس کی مثال ملنی مشکل ہے.

 اک  تیرا  الف پڑھاں,  ب  دی  خبر  نہ  کائ  *

(میں  تجھے  الف  کی  طرح  واحد  مانتا  ہوں. اس  عقیدے  میں  کسی  ب ( دوئ  کا  کوئ  گزر  نہیں
وحدانیت  کے  اقرار .کا  نہایت  خوبصورت  انداز  ہے  جو  ان  9  الفاظ  میں  بیان  کیا  گیا  ہے. یہ اسلام  کے  پہلے رکن کا ترجمہ ہے.

 کلمہ  پیر  دسیا,            دم  دم  نال  پکاراں *                   

(میرے  ہادی  نے  مجھے  کلمہ  پڑھنا  سکھایا  , میں  اس  کا  ورد  ہر  وقت  کرتا  رہتا  ہوں  اور  اسی  میں  میری  نجات  ہے ) .

 کلمے  دی  یاری  کر  کے ,            بچیاں  نوں  پار  لنگھا نا *                  

(کلمہ  کی  برکت  سے ہی  ہم  اور  ہماری  اولاد  پل  صراط  سے  گزر  سکتے  ہیں . اسے  نہیں  بھولنا  چاہے )

عشقے  دی  نہر  دے  وچوں ,           دیند یاں  تھوڑ  نہ  کوئ *                   
( اگر  تم  عشق  کے  دریا  سے  کچھ  دینا  چا ہو  تو  تمہیں  کوئ  کمی  محسوس  نہ  ہوگی .تم  تو  ہر  چیز  کے  مالک  ہو )

 روندیاں  نوں  رون  دیہو ،           میری  چک  لوہ  کہارو  ڈولی *                   
( کہارو، تم دیر نہ کرو میری ڈولی اٹھاؤ اور چلو ، جو رو رہے ہیں انہیں رونے دو)
آج  سے  پچاس  ساٹھ  سال  پہلے  والدین  اپنی  بیٹیوں  کو  شادی  پر  ڈولی  میں  بٹھا  کر  ان  کے  سسرال بھیجتے  تھے ، اس  ڈولی  کو  چار  آدمی  اپنے  کاندھوں  پر  اٹھا  کر  لے  جاتے  تھے، انہیں  “ کہار “  کہا جاتا  تھا ۔ اس  بولی  کا  دوسرا  مطلب  یہ  بھی  ہو  سکتا  ہے  کہ  مرنے  والے  کا  جسم  کہ  رہا  ہے  ک مجھے  جلدی  سے  دفن  کرو۔  رونے  والوں  کو  رونے  دو۔ جنازے  کو  بھی  چار  آدمی  کندھا  دیتے  ہیں)

 کنجیاں  موت  دیاں ،          کیں  جندرے  نوں  لایاں *                    
جسم  کے  قفل  کو  موت  کی  چابی  کس  نے  لگائ  کوئ  دروازہ  کھول  کر  روح  کو  لے  گیا  ۔

بت  پیا  عرضاں  کرے ،          روحاں  اپنے  وطن  ٹر  جانا *                  
روح  تو  اپنے  وطن  چلی  جاے  گی ، بت  منتیں  کر  رہا  ہے  کہ  مجھے  چھوڑ  کر  نہ  جاؤ  ۔

 چٹھی  آ  گئ  زوراور  دی ،         پار  وی  ضروری  جانا *                   
ایک  بہت   ہی  طاقتور  ہستی  کا  حکم  آ  گیا  ہے ،  اب  تو  ضرور  ہی  جانا  پڑے  گا ۔ کوئ  حیلا نہیں چلے گا ۔کس  خوبی  سے  سمجھایا  ہے  کہ  موت  یقینی  ہے  اور  ہر  ایک  نے  ضرور  ہی  مرنا  ہے ۔

یہاں  تک  تو خدا  کی  تعریف  ،  وحدانیت  اور  دنیا  کی  بے ثباتی  کا  ذکر  تھا ، اب  ذرا  دوسرے  موضوعات  پر  بھی  سنے  (جاری  ہے )۔

                                                اب  ذرا  دوسرے  موضوعات  پر  بھی  سنے  (جاری  ہے )۔