لوک ورثہ – بولیاں – قسط نمبر 3

  لوک ورثہ- بولیان – قسط نمبر 3

لوک ورثہ – بولیاں ، قسط نمبر 2   آپ نے پڑھ لیں.سلسلہ کو آگے چلاتے پوےُ قسط نمبر 3   حاضر ہے.

قسط  نمبر ٣ 
یہاں  تک  تو  خدا  کی  تعریف  اور  دنیا  کی  بے ثباتی  کا  ذکر  تھا  اب  ذرا  دوسرے  موضوعات  پر  بھی  ملاحظہ  کریں

 توں  سانوں  بھلدا  نہیں            بُھل  گیےُ  جمن  والے  ماپے   

         
تمہاری  یاد  ہر  وقت  ستاتی  ہے  تم  کسی  وقت  بھی  نہیں  بھولتے  میں  اپنے  ماں  باپ  کو  بھول  چکی  ہوں  جنہوں  نے  مجھے  جنم  دیا   تمہیں  بھولنا  میرے  بس  کی  بات  نہیں
اگر  ہم  مفہوم  کو  اردو  شاعری  میں  دیکھنا  چاہیں  تو  جگر  مراد آبادی  کا  یہ  شعر  اس  کا  مطلب  ادا  کرتا  ہے

                           سب  کو   ہم  بھول  گےء  جوش  جنوں  میں  لیکن                    
                        اک   تیری   یاد   تھی  ایسی   جو   بھلائ   نہ   گئ                    
بر  سبیل  تذکرہ  آپ  نے  جگر  مرادآادی  اور  سعادت  حسن  منٹو  کی  ملاقات  کا  قصہ  سنا  ہو گا  جب  منٹو  نے  کہا  تھا  ” آپ  مرادآباد  کے  جگر  ہیں  میں  لاہور  کا  گردہ  ہوں”

عشقے  دی  مرض  بری           لگ  نہ  کسے  نوں  جاوے                   

(عشق  برا  مرض  ہے۔  خدا  کرے  اس  کوئ  گرفتار  نہ  ہو )
مرزا  غالب  نے  کہا  تھا  اور  سچ  کہا  تھا  ” کہتے  عشق  جس  کو  خلل  ہے  دماغ  کا ”  جس  کے  دماغ  پر عشق  سوار  ہو  یا  مرزا  غالب  کے  الفاظ  میں  اس  کے  دماغ  میں  خلل  ہو  تو  وہ  اچھا  یا  برا  کوئ  بھی کام  کر  گزرے  گا ۔  عشق  آنکھوں  پر  پٹی  با ندھ  دیتا  ہے ۔

میتھوں  سب  چنگیاں               نبھ  گئ  جنہاں  دی  یاری                    

محبت  میں  جو  کامیاب  ہو  کر  ہنسی  خوشی  زند گی  گزار  رہی  ہیں  وہی  مجھ  سے  بہتر  ہیں ۔

 ماپے  تینوں  گھٹ  رون  گے         ُبہتے  رون  گے  دلاں  دے  جا نی              

تمہیں  جدا  کرتے  وقت ( یہ  جدائ  عارضی  یا  مستقل  ہو  سکتی  ہے )  تمہارے  والدین  کے  آنسو  اتنے نہیں  نکلیں  گے  جتنے  ہمارے  آنسو  نکلیں  گے ۔

    اوہ   تیرا  کی  لگدا                  رتیاں  رومالاں  والا                  
(وہ  سرخ  رومال  والا  تمہارا  کیا  لگتا  ہے  جس  کے  ساتھ  تم  ہنس  ہنس  کر  باتیں  کر  رہی  تھیں ) ۔
لڑکے  نے  دیکھا  کہ  اس  کی  محبوبہ سرخ  رومال  والے  لڑکے  کے   ساتھ  ہنس  ہنس  کر  باتیں  کر  رہی  ہے ۔  تو  اس  کے  دل  میں  بد گمانی  پیدا  ہوئ ،  جس  کا  اظہار  اس  نے  لڑکی   سے  کر  دیا ۔ محبت  میں  بد گمانی  فوری  طور  پر  پیدا  ہو  جاتی  ہے ۔ محبوب  صرف  میرے  لےء  ہے ۔   اس  کی  مسکراہٹ ،  اس  کی  بات  چیت  سب  میرے  لےء  ہو ۔  یہ  سب  ڈیمانڈ  گہری  محبت  کو  ظاہر  کرتی  ہیں ۔  اسی  لےء  جب  لڑکے  نے   اپنی  محبوبہ  کو  ایک  دوسرے  لڑکے  سے  ہنس  کر  باتیں  کرتے  دیکھا  تو  اس
کے  ذ ہن  میں  بد گمانی  کے  پھن  نے  سر  ابھارا ۔ ( ایسا  لگتا  ہے  کہ  لڑکا  کسی  دوسرے  گاؤں  کا  ہوگا اور  محبوبہ  کے  بھائ  کو  نہیں  پہچا نتا  ہوگا ) ۔

 اوہ   میرا  ویر  لگدا                 رتیاں  رومالاں  والا                 

( وہ  سرخ  رومال  والا  لڑکا  تو  میرا  بھائ  ہے  جس  سے  میں  باتیں  کر  رہی  تھی )
لڑکی  کا  یہ  جواب  سن  کر   لڑکے  نے  اطمینان  کا  سانس  لیا  ہوگا ۔

اج  میرے  یار  آؤنا                 کا نگ  بنیرے  بولے                
( گھر  کی  منڈیر  پر  کوا  بول  رہا  ہے  آج  میرا  محبوب  ضرور  آےء  گا )
چھت  یا  منڈیر  پر  کوے  کا  بولنا  کسی  کی  آمد  کی  دلیل  سمجھا  جاتا  ہے۔  مندرجہ  بالا  بولی  میں  اسی  اعتقاد  کو  ظاہر  کیا  گیا  ہے۔

 لکھیاں  ورت  گیاں                 کون  لکھیاں  نوں  موڑے               

لکھی  ہوئ  تقدیر  کو  کون  مٹا  سکتا  ہے۔  مقدر  میں  جو  لکھا  تھا  وہ  ہو  گیا۔ اس  پر  کسی  کا  زور  نہ تھا.

۔ ہر  دم  یاد  رہن  گے                 بول  جدایاں  والے                

جدا  ہوتے  وقت  جدائ  کے  جو  الفاظ  تم  نے  کہے  تھے  وہ  میری  زندگی  کا  سرمایہ  ہیں۔  جو  مجھے  ہمیشہ  یاد  رہیں  گے .         (جاری  ہے)