سپرا قبیلہ – شجرہ نسب . قسط نمبر 5

اس سے پہلے ہم سوکیت تک پہنچے تھے

آج ہم اس سے آگے چلتے ہیں ؛

سوکیتَََََََََ———رت دیو ———– برد ———- مہابیر ——– دھریمہ—–دھرت کیتھ ———- ہرجس ———- مر——– بھاگ رتھ ———میرٹھ ———– کیرت ———– سورج ———– گھنڈا ———پرتھی (دوم) ——— راجہ کرن ————کک ———— لوح ——— ہردت ——–سرویا ———- شاہ ———– جھمٹ ———— شجاع ———- چھجی —–مڈھ ———– سچّر ———– سپرا

سپرا کے دو حقیقی بھایُ سمرا اور بسرا تھے. جن کی اولاد سمرا اور بسرا کہلاتی ہے. سپرا کے اپنے 9 بیٹے تھے ان کی اولادیں سپرا کہلاتی ہیں.
میں نے اپنی طرف سے پوری کوشش کی ہے کہ اس شجرہ نسب میں کویُ غلطی نہ ہو. لیکن انسان ہونے کے ناطے غلطی کا امکان بہر صورت نکل آتا ہے. ایسی صورت میں آپ حضرات سے گزارش ہے کہ اس غلطی کی اصلاح کریں، یہ ایک قومی خدمت ہوگی. اور سپرا قبیلہ اپنے آباوُ و اجداد کو صحیح طرح پہچان سکے گا.

آدم علیہ السلام سے لے کر کافی پشتوں تک شجرہ نسب کو لکھنے کا رواج نہیں تھا. لوگ پشت در پشت اپنے آباؤ و اجداد کو زبانی یاد رکھتے رہے. اور یہ بات اگلی پشتوں تک منتقل ہوتی رہی. طوفان نوح میں دنیا کے سارے کفار غرق ہو گےُ. اور نوع انسانی نوح علیہ السلام کے تین بیٹوں سام، حام اور یافت سے آگے چلی.
سپرا کے نو بیٹوں کے نام ڈھونڈھنا بڑا مشکل ہے اور یہ پتہ چلانا اور بھی مشکل ہے کہ کیا سبھی بیٹوں کی نسل آگے چلی یا کچھ لا ولد تھے یا کچھ بچپن میں ہی فوت ہو گےُ.

لوگ اپنے اپنے شجرہ نسب کو زبانی یاد رکھتے رہے. بعض اوقات وہ ترتیب بھول جاتے یا بیچ میں کچھ نام رہ جاتے. اسا کا حل اس ترح نکالا گیا کہ ہر گاؤں میں ایک گھرانہ مقرر کیا گیا جو ہر قبیلہ کا شجرہ نسب یاد رکھتا. اس کے عوض گاؤں کے زمیندار اسے ہر فصل پر مقررہ مقدار میں فصل میں سے حصہ دیتے. آہستہ آہستہ اس خاندان کا نام مراثی پڑ گیا جو آج تک چلا آ رہا ہے.

کاغذ کی ایجاد پر مراثی لوگوں نے ہر قبیلہ کا شجرہ ایک رجسٹر پر لکھنا شروع کر دیا. یہ رجسٹر وہ کسی کو دکھاتے نہیں تھے. مجھے یاد ہے میں نے اپنے مراثی کہا کہ میں تمہیں دودھ دینے والی بھینس دوں گا ، مجھے اس رجسٹر میں اپنا شجرہ نسب پڑھ لینے دو. اس نے انکار کر دیا. مراثی کا ہاتھ جب بھی تنگ ہوتا، وہ گھر کی چھت پر چڑھ کر شجرہ نسب پڑھنے لگتا. اسے بہت سارے پیسے، دانے اور کپڑے دے کر “وداع” کرنا پڑتا.
جو شجرہ نسب اوپر لکھا گیا ھے یہ مختلف گاؤن کے مراثیوں سے سن کر لکھا گیا ہے. اگر آپ اس میں کویُ غلطی دیکھیں تو ثبوت کے ساتھ ہمیں مطلع کریں. تا کہ شجرہ کی تصحیح کی جا سکے. اپنے جد امجد سپرا کی اولادوں سے بہت سارے خاندان بنے اور اور پھر یہ تعداد بڑھتی چلی گیُ. اب ہر سپرا خاندان کا شجرہ الگ ہے مگر پہنچتے اپنے جد امجد سپرا پر ہی ہیں.

پاکستان اور انڈیا میں بسنے والے سپرا قبایُل کا تعلق ، بعض مؤرخین کے مطابق ، گل قبیلے سے ہے. میری راےُ میں یہ نظریہ صحیح نہیں. ایک شجرہ کے مطابق رام چندر کے 17ویں پشت پر پیدا ہونے والے کا نام گل تھا. اس کی اولاد گل کہلاتی ہے.
سپرا قبایُل کم ہ بیش ساری دنیا میں پھیلے ہؤےُ ہیں. مختلف شجروں کو دیکھتے ہوےُ میں یہ دیکھ کر حیران رہ گیا کہ یہودیوں کے کچھ ربیوں کے نام کے آخر میں سپرا لکھا ہؤا ہے ( یہودی اہنے مذہبی راہنماؤں کو ربّی کہتے ہیں ). بعض امریکی شہریوں کے نام کے آگے سپرا لکھا ہؤا پایا گیا.